Chin State, chhim lam, Paletwa township huam chhunga Rakhine Sipai pawl (AA)-te ngenna angin Khaw tina Chin mi 4. an mamawh thu an sawi chu tuachhung mi ten an thlaphan thu hriat a ni.
“ AA te hian Paletwa township-ah hian lalna an rawn hrawt tan a ang a. Pyichaung tluana Khaw tinah Chin mi 4 zel an thlang chhuak a, An thu anga tih loh theih loh dinhmunah kan ding ta sia” tiin Paletwa township mi pakhat chuan a sawi.
Rakhine sipai pawl (AA) te hian Paletwa tlak lam Pyichaung leh hmar lam Khaw fin (Ohsuh) 20, leh khaw 100 chuanga an mi thlan mi 4 te hnenah mawhphurhna an pek thu a sawi zui bawk.
Pyichaung-a tualchhung mi pakhat chuan “March 19 khan Meeting min kohtira mawhphurhna an pe nghal a, ban thei a ni lo. Hemi hma pawh hian Khaw khatah thla khat tan Buhfai ip 1 leh K.100000 min dil thin a. Chhungkaw tam leh tlem dan azirin an bithliah mai thin a. An rawn kal apiangin an bituk anga pek a tul a, an phut anga tih loh chuan min hrem a. Khaw 1-a Meeting pelh an awm chuan Raw pum 3000 kihtirin an phurh hawtir thin” tiin sawi zui bawk.
Rakhine sipai (AA) ten mawhphurhna an pek te hian a hun takah an phut anga hlen a tul mai bakah AA Camp-ah an kaltir thu hriat a ni.
AA te in kaihhruaina chungchangah dan lovin mipui te an phut lui thin a, an phut anga mawhphurhna an hlen loh chuan tualchhung mi ten harsatna an tawh an hlauhthawn zel dawn thu a sawi zui bawk.
Paletwa township-ah hian Khaw fin (Ohsuh) 196 leh khaw 400 vel a awm a. AA te hian kum 2015 atang khan tham lo takin an che tan tawh a. Tunah hian Paletwa hmar lam, tlak lam Kuanbok, Kyaukpindaung, Painnetapim,Temachaung, ChuiTaung, Gyilay, Maunghnama, Kyuangchaung,Chindauh khuaah hian Rakhine sipai (AA) ten awmhmun an khuar mek a ni./
