Magway region, Pauk township, YwaThit (Yua Tit) khua leh TatKone khuaa Phyusawhti (Phiu Saw Thri) camp an luhchilhnaah Military council sipai leh Phyusawhti sipai 10 an thih thu Revolution pawlten Yangon Khit Thit Media an hrilh a.
July 11, zing dar 5 vel khan YwaThit khua leh TatKone khuaa Phyusawhti camp chu Pauk khuaa PDF pawlten an luhchilh a, Military council sipai leh Phyusawhti sipai 10 an thih bakah Phyusawhti te chenna in an hal chhiat nual thu hriat a ni bawk a.
“TatKone leh YwaThit khuaa Phyusawhti te chu Pauk khuaa PDF-ten July 11, zing dar 5 vel khan an kahchilh a, Phyusawhti sipai 8 leh Military council sipai 2 an thi a, Phyusawhti te In an halsak bakah silai 7 an laksak” tiin tualchhung Revolution news chuan a tar lang a ni.
