Magway region, Pauk township-ah Military council sipaite operation lai, bomb kam hmanga an beihnaah Military council sipai 17 an thih thu Myaing NUG-PDF pawla thuneitu pakhat chuan Yangon Khit Thit Media hnenah a sawi a.
June 2, zing dar 8:40 khan Pauk township, LeLan khua leh TaRaPhi khaw inkarah Miliatry council sipai leh Phyusawhti-te chu Revolution pawlten bomb kam hmangin an beihnaah Military council sipai 3 leh Phyusawhti 6 te an hliam a, hliam zingah Miliatry council sipai 2 leh Phyusawhti 2 an thih thu hriat a ni a.
June 5, zing dar 9:55 vel khan Pauk khua atanga feh chhuak ration phur Miliatry council sipai leh Phyusawhti-te, Bike leh Motor 100 chuang vel kal te chu LeLan khua leh TaRaPhi khaw bulah Revolution-ten an beihnaah Miliatry council sipai leh Phyusawhti sipai 13 an thih thu hriat a ni a.
Miliatry council sipai leh Phyusawhti sipai thi ta te ralthuam khawn khawm mek PDF sipai pakhat a hliam na hle a. Miliatry council-ten sipai an chhek nual avangin ralthuam an laksak thei lova, Miliatry council sipaite Motor 16 an hal chhiat bakah Miliatry council sipai leh Physawhti sipai 4 an hliam thu hriat a ni bawk.
Heng bakah hian Myaing khua NUG-PDF pawlten June 5 zing dar 5:20 vel khan Pauk khua atanga PaKukKo khaw lam pan Miliatry council sipai leh Phyusawhti-te Motor lian pakhat chu KanMa khua leh YePya khaw inkarah bomb kam hmanga beih an ni a, mi 3 an hliam thu hriat a ni a.
He bomb kam hmanga beihnaah hian Myaing NUG-PDF Battalion 1, KanMa Defence Force, Battalion 1, company 1, Pauk Bo Na Pauk pawl leh Pauk Bo TaSi pawlten an beih rawn thu Myaing NUG-PDF pawlte hnen atanga hriat a ni bawk.
