Pawl 10 Exam hunah Matupi khawchhung kawng khar vek a ni ang an ti

0

Myanmar Military council-te thunun, pawl 10 Exam chu March 8 hian tan tur a ni a. Exam buatsaih ni atang hian Matupi township-ah kawng zawng zawng khar vek a ni ang tiin Military council ten an sawi thu hriat a ni.

Tun dinhmuna hian Matupi khawpuiah ei leh in tur an tlachham zel a, hnathawh mai tur a awm loh avangin harsatmna an la tawk mek a ni. Khaw dang atangin bungrua leh eichawp tur lak luh a la harsa a, khawlal (Administrator) a awm loh avangin tualchhung mipui ten khawchhunga veivah a zalen lova. Heng avang hian Buhfai ei tur lak luh an la harsa hle a ni.

Khawchhungah Phone hman theihna tur leh ei in chatlak lo turin Military council ten hma la thuai se tih hi tualchhung mipui te an beisei hle a ni.

Matupi khawpui chhungah zalenna a awm loh mai bakah ei in tur harsatna an tawh avangin tualchhung mi thenkhat te Yangon khawpuiah an tlanchhe nual angin naupang leh kum upate pawh hmun him lamah an inthiar chhuah nual thu hriat a ni bawk.

Share.

Leave A Reply

Exit mobile version