Kei pawh zamual liam chu ka hlau asin,Famchan hlauh vangin, thlanmual pawh ka kal ngam lova,Pumpelh thei ni si lo chu, Siamtu hnenah kum 100 dama, na hre lova, muthilh hlen ka lo dil thin a.
Hliam tuar hi kan hlau bawk asin,Hliam thisen kai hmuh kan hlauh avangin Nurse nih ka duh lova,Harsatna khirh tak tawn hi ka duh bik lo, hringnunah harsatna tawn duh loh avangin, lehkha taima taka zirin, hlawh tam tak neia hahdam taka awm ka lo tum ve tawh alawm,
Indona pawh ka hlau hle bawk asin,Krismas leh Inneihna bak pun khawm luih luihnaah ka tel ngai lo,Hringnun hi mitdawi vaih ang mai a lo ni, tawnmang si lo thil tam tak a lo thleng a, ka tih theih loh tur leh ka tih ngam loh turte chu keimah ngeiin ka tih a lo ngai leh thin,
A theih alawm, chhungte chu ngaihthahin thla tawp apiang thla hlawh la chhuakin chhungkuain inah awm ta mai mai ila,
Mahse, he kawng hi a khirh hle dawn tih ka hria asin,Hahdam duh ila, kei hian he kawng hi thlanna tur chhan ka nei lo,Kan ram hmakhua, kan naute, kan fate hmakhua atan indona mualah zuang lut turin thutlukna ka lo siam reng a ni zawk;
Mahni nun thapa thawh a ngaih vangin, Revolution zawh chuanKa la dam em ang a, ka dam lo mai thei tih chu 50% 50% a ni e,Mahse, thutiam pakhat chiang taka ka sawi theih chu…He Revolution hi a hlawhtling dawn tih hi a ni!
Ka idol chu ka Nu a ni a,Kei ngei pawh hi hmeichhe pakhat ve mai ka ni,Ka chanvo tur chu, thu chunga dil thinte zingah ka tel ngai lo a;Mahni ngei hma lamah pen chhuaka mahni chanvo siam chawp tur hmeichhe dik tak ka ni zawk e.
By Mula
