Military council chuan air force hmunah PDF drone hmanga bomb thlak leh enthlakna awm thei tur lak atanga invent nan drone control theihna system Jammer an vuah thu sipai lam source pakhatin a sawi a.
Air force hmun mai bakah, airport lamah pawh Jammer te chu an vuah bawk avangin, passenger phur thlawhna chhuk leh chhuak tura tower nena inbiakna kawngah harsatna chu siam thei deuh mah se, military council-in security a ngaih pawimawh zawk avangin, Safety lam a hniam phah thu airline source thenkhatin an sawi.
Chu thu lakna chuan, “Air force base awmna hmun apiangah Jammer an vuah zel a. Tun hma chuan bunker-ah chiah an vuah thin a. Air force hmuna phone line te pawh a chiang tawh lo. Drone kah thlakna system te pawh an vuah bawk,” tiin a tarlang.
Air force hmunte chu rocket leh laipui hmanga kah a nih thin avangin, bunker lai a, bomb laka invenna turte ruahman lawk vek a nih thu hriat a ni.