Thuneihna latu Min Aung Hlaian ethnic armed group (tlangmi ralthuam keng pawl) te chu Peace Talk, amah ngeiin neih pui turin April ni 22-ah ram chhung TV atangin a sawm a. May ni 9 ral hmaa sawmna chhang let lo chu pawm an lovang tiin hun tiam a tuat bawk a. Chu mi chungchangah Chin National Front (CNF) ngaihdan hre chiang turin CNF thupuangtu Salai Thet Ni biangbiakna hi lo ngaithla ta ila.
Zawhna: Thuneihna latu Min Aung Hlaian Ethnic Armed Organization (EAO) nena inhmu tura a sawmna chungchangah CNF ngaihdan min hrilh thei em?
Chhanna: Aw, pakhatna chu vawiin Myanmar politics buaina chu military council leh Ethnic Armed Organziation (EAO) inkara politics buaina a ni lo. Military council leh keini EAO inkara chinfel theih harsatna a ni lo, military council-in a bul tan, mipui leh military council inkara buaina a ni zawk tawh a, mipui zawng zawng telna mipui leh military council inkar thil a ni. Keini CNF lam chuan he sawmna lakah inbiakna pakhat mah kan la nei lo.
Zawhna: Sr. General Min Aung Hlaian eng ang tum neiin nge Ethnic Armd Organization ho hi a sawm nia i rin?
Chhanna: A tum ber chu khawvel ram hmuhah politics lama thilti thei zawk nih leh, an sawi thin 2023 general election atan tualchhung venghimtu pawl (Local Defense Force) te nuai bova, tualchhung remna neihtir a tum pawh a ni mai thei.
Zawhna: Min Aung Hlaian ralthuam keng pawl zawng zawng chu amah ngeiin hmuin, state administration council palaite nen pawh inbiakna an nei ang tiin a sawi. Chutah chuan eng rah nge a chhuaha i rin?
Chhanna: Amah ngeiin a hmuh leh council member te nena inbiakna neih leh neih lohin danglamna a thlen a, a inang vek. Kan thil duh kan nei thei ang ti ila, entir nan inhmu dawn ila, inhmuh hmain ram pum huap inkahna tihtawp tur a ni ti ta ila, military council hian rem a ti ang em? Chuvangin beisei tur a awm lo.
Zawhna: He inbiaknaa tel tur Ethnic Armed Organization (EAO) pawla hruaitu pahnihte hming chu Mya ni 9 ral hma ngeia pek tur a ni tiin sipai hotu berin a sawi a. A nih, CNF lamin tel tuma hming pek in nei taw hem?
Chhanna: He mi chungchangah hian inbiakna leh inrawnna kan la nei lo a ni.
Zawhna: He sawmna chungchangah thil dang enge sawi belh duh i nei em?
Chhanna: He sawmna nena inkaihhnawihin keini Ethnic Armed group te pawh ni se, tualchhung venghimtu (PDF) te pawh nise, military council hi a zung chawpa phawi chhuah tumna inang kan nei a, mipui leh pawl ang pawhin ngaihtuah buai tur a awm lo. Kan kal tumna kawng lak atangin peng lo ila, lungrual taka insuihkhawm a ngai a, military council sawmna chungah ngaihtuah buai lovin, mahni dinna ngaiah nghet takin i ding zel ang u tiin ka sawi duh a ni.
