Magwe (Ma Gui) Region, Pauk (Pauh), Zee Pyar khua Phyusawhti mi 27 te chu PDF-ah an inpek thu Myaing township PDF sipai pakhat chuan a sawi.
Pauk township, Zee Pyar khuaa Phyusawhti pawl zinga mipa 15 leh hmeichhia 12 te chu October 8 khan Myaing township PDF-ah an inpek thu hriat a ni a. Phyusawhti te hi PDF Camp-ah an awmtir a, Phone Simcard te dah thatsakin Dawhkana hun chi Phone hmangin an chhungte an phone thin a. An hrilselna a tha a, an duhna apiangah an hruai thu leh damdawi hmanga an enkawl mek thu hriat a ni.
October 3 khan Magwe Region, Pauk township, Zee Pyar khuaa Phyusawhti Camp chu PDF ten luh chilhin an kap a. Military Council sipai leh police 17 an thi a, Phyusawhti mi 53 an man a, Military Council sipai leh police an tlanchhuak nual bawk. An man tak mi 53 zinga Phyusawhti mi 27-te chu PDF hnenah an inpek thu hriat a ni.
Mandalay Region, Madaya township-ah khawchhung then fai hna thawk mek Military Council sipai Motor 3, an Bomb-naah Military Council sipai thi leh hliam an awm nual thu Maha Revolution Battalion-a thuneitu pakhat chuan Yangon Khit Thit Media Group a hrilh.
October 9 khan Kyauktada (Chauh Ta Da) khua leh Alpha Cement Factory, Military Council sipai check gate bul, Madaya atanga Mandalay lam pan Military Council sipai Motor 3 kal te chu Maha Revolution Battalion ten Bomb pathumin an Bomb a. Military Council sipai thi leh hliam an awm nual a, a zat chiah hriat a ni lo. He beihna avang hian Military Council sipai ten an tawngpawng kah chiam thu Maha Revolution Battalion ten an thuchhuahah an tarlang.
