State counselor Daw Aung San Suu Kyi chuan sumdawng mi hausa U Maung Waih hnen atangin Dollar engemaw zat a lak thu Naypyidaw court-ah inlantira thuzawh fiah a ni a.
U Maung Waih chuan a sumdawnna a tluan zel theih nan Daw Khin Kyi foundation atana thawh, US dollar nuai 550000 chu Pi Suu Kyii hnenah kum 2010 leh 2020 chhungin vawi li pek chunchangah court chuan thubuai a siam sak leh a.
May ni 2 court-a inlan chungchangah Anti-corruption commissione U Ye Thet chu thuzawhfiah tan a nih thu court lama miten an sawi a.
Mahse, military council-in Daw Aung San Suu Kyii ukilte chu media mite nena inbiak a khap takah chuan thu kimchang taka hriat a harsat phah a. Military council lam chuan Pi Suu Kyi-I chu dollar a pek thin thu a pawm rualin video clip pakhat pawh military council -in kawl thain, an thunun Myawaddy video channel atangin nikum March thla tanga puanzar a lo ni tawh a ni.
Mahse, he case hi kumin Feb. ni 3 atangin Naypyidaw Zamuthiri township, no. 5 area police station-ah thubuai siamsak niin, vawiin hi court lama an inlan hmasakna ber a ni.
CHutih rulain Pi Suu Kyii chu Yangon Chief Minister Pyui Min Thein hnen atanag rangkachak leh dollar la anga puhna awmin April ni 27-ah kum 5 chhung jail tang tura hrem a lo ni tawh bawk a.
Chutianga military council-in thubuai chi hrang hrang siam a, Pi Suu Kyii an beihna chu a political image tihchhiat duh vang a, politics-a inhnam hnawih thei tawh lo tura ti an nih thu political mithiamten an sawi a. Thuneihna lak a nih hnuah chuan Pi Su Kyi chu case 19 awrhtir a ni a. Tunah hian a thubuai 6 atan kum 11 tang tura a chung thu rel fel a ni tawh a. Chutih rualin a case dang 13 chu a la hmachhawn reng bawk a ni.
