Pi Suu Kyiin U Maung Weik hnen atanga thamna0 sum laa puhna thubuai ngaihtuah tan a ni

0

State counselor Daw Aung San Suu Kyi chu business owner U Maung Weik hnen atangin thamna sum lak nia puhna thubuai chu May ni 10 court niah a khingtute lam thu zawh fiahna neih a nih thu court lama awm te hnen atanga hriat a ni.

Court lam source pakhat chuan, “Court neih leh hunah chuan thuhretute thuzawh fiah an ni ang. Maung Weik-a ngei a rawn kal dawn nge chu hriat a ni lo. Dan naranin mi pahnih in lan a ngai ang. A khingtute lam thu zawhfiah hnuah chuan amah ngei an zawtfiah ve leh ang ngei ang,” tiin a sawi.

Chu court thuzawh fiahnaah chuan State counselor Daw Aung San Suu Khiin sumdawng mihausa U Maung Weik hnen atangin US dollar nuai 550,00 tham nana a la nia, puh niin, corruption case pahnih hmanga thubuai siamsak a ni.

Chu thubuai chungchanga a khingtu ber chu Anti-corruption Commission Director U Ye Htet a ni a, May ni 10-a court-a thuzawh fiahnaah ani chu Pi Suu Kyii ukil ten thu an zawtfiah a ni.

Chu bakah, May ni 10 court-ah state counselor puhna Daw Khin Kyi Foundation chungchanga thubuai (case) no. 3, 4, 5 nena inkungkaih Daw Khin Kyi Foundation-a thuneitu pakhat Dr. Than Taw Kaung chu a khingtu lam atanga inlan tur ni mah se, court lamah a rawn inlan lo thu hriat a ni.

A khingtute lamin ani chu thuhretu atana hnawl a nih thu, ukilin court a hrilh chuan roreltuin pawmin court ni dangah thuhretu mi dang inlan turin ruahmanna a siam a. Chu case ngaihtuah leh a nih hun tur chu May ni 17-ah a nih dawn thu hriat a nib awk.

Share.

Leave A Reply

Exit mobile version