Pago (Pa Gu) Region, Pyay township-a mipui veng himtu pawl (PDF) mi 6-te chu Military Council lamah an inpe niin August 6 khan Military Council ten an Media-ah an tar lang.
He thu, mipui veng himtu pawl PDF te inpekna thuthang hi thu dik a nih loh thu, District PDF Battalion ten an sawi.
“ District PDF te chuan kan inpe lo, thim zingah kan awm lo, Eng zinga awm sa kan ni. Military Council ten an tar lang ve ringawt a. Hmanah khan CDM lut tur te Non CDM an ni a. Military Council ten an inpe tiin an thehdarh a. Keini chuan Military Council an tlawm hma loh kan bei zel dawn a ni” tiin PDF tangrual pawl, thu neitu pakhat chuan a sawi.
Heng PDF mi 6-te Military Council lama inpe nia an sawi te hi mipa 5 leh hmeichhe 1 an ni a. Pyay township-a Military Region-ah an inpek thu Military Council ten an Media-ah an tar lang.
Military Council lama PDF inpe tia an sawi te hi PDF te ni lovin CDM lut Officer te leh Battalion chhunga mite lemchangin thlalak leh video hmangin an post thu Bago Region, PDF pawl ten an sawi.
Kumin June thla atang khan PDF te, Military Council lama an inpek thu Military Council ten an sawi.
