NUG ten an beih mek, Military Council-te an hmachhawnnaah hian Myanmar ram chhungah ralthuam leh sipai mamawhna a san avangin UN Security Council (UNSC) ten tanpui turin Foreign Minister Daw Zin Mar Aung chuan a ngen.
Democracy activist mi 4 an tihhlum chungchangah China leh Russia tiamin ram hrang hrang ten an dem nasa hle tih thu hi thu ziak mai a ni thei a, a tak ngeia bawh zui turin Minister hian a sawi.
“Min Aung Hlain leh Military Council-te sum lak luhna zawng zawng dang chat vek turin a phut a. Military Council aiawha ram dang nena inthlun zawm reng reng pawh luh phal lo turin a ngen bawk. UNSC hian NUG te beih meknaah hian ralthuam leh sipai a tanpui theihna tur leh R2P hi a rang lama hma a lak vat a tul a ni” tiin Daw Zin Mar Aung chuan a sawi.
Daw Zin Mar Aung-i vek chuan “Ukraine tan ralthuam an supply a, Afaghistan tan Thlawhnain ration an pe bawk a, Myanmar hi chu khawvel hian a mangtha a ang. Ram hrang hrang te hian Myanmar Military Council-te action a lak a tul hle a, Myanmar mipui, eng zat nge nunna an hloh zel dawn” tiin a sawi bawk.
A nem zawnga Military Council-te biak rawn leh a nihna thleng phak lova thu chhuah fo ai chuan NUG te nena in dawr ngun zawk hian awmzia a nei thui zawk tiin a sawi zui bawk.
Military Council-te tawrhpuina thu, chhuah avang hian Myanmar mipui tan awmzia a nei hran lova, ni tin thi leh chhiatna a tam tulh tulh a ni tiin a sawi bawk.
Tunlaia Myanmar dinhmunah hian raltlanna hmuna nunna hloh te, mahni in veng reng chungin PDF te nunna an chan zel a. Military Council la kata a him theih nana NUG leh ram tana pasaltha te feh kawng hi, ram hrang hranga thawhpui unaute hnenah tanpui turin a ngen a ni.
