United Nations High Commissioner for Refugees (UNHCR)-ten an chhut dan chuan khawvel puma thlirin kum 2024-ah hian Asia khawmualah khawvela raltlan 30% vel a awm dawn niin an rin thu an sawi a, heng zingah hian Myanmar raltlan te hi Asia khawmualah Afghanistan dawta a tam ber a ni a ti a.
Pem raltlan tam ber dawttu chu Afghanistan hi a ni a, hemi dawtah hian North Sudan, Myanmar leh The Democratic Republic of the Congo an nih thu UN secretary Office-a thupuangtu Rarhan Haq chuan UN ni tin Press Conference-ah a sawi a ni.
Raltlante awmna tur hmun siam tam berna ram chu Syria ram raltlan te a ni a. Kum 2024 lo thleng turah phei chuan hei aiin raltlan an tam zual an rin thu an sawi a. Khawvel hmun hrang hrangah ram buai avangin in leh lo tlansan raltlan an tam zual ang tiin UNHCR chuan a sawi a ni.
Tun hma lawk khan Myanmar-a Rohingya raltlan mi maktaduai khat, ram mi nihna nei lovin an awm thu UNHCR chuan a tar lan angin kum 2021 atang phei khan Myanmar ram chhungah in leh lo tlansan raltlan an tam zual niin a tar lang bawk a ni.
Afghanistan leh Myanmar te hi kum 2021-a buaina avangin POC tia an sawi thin hrehawmna dinhmunah raltlante an awm thu leh chhawmdawl ngai an pung sawt niin UNHCR te chuan an sawi a ni.
