Raltlante thlamuang taka an awmna tur an buatsaih loh chuan, kan thawn haw thei lo tiin Mizoram sorkar chuan a sawi

0

Mizoram State-a Myanmar raltlante thlamuang taka an awmna tur an buatsaih loh chuan, Mizoram sorkar hian a thawn haw dawn lo tiin India sorkar laipui a hrilh.

New Delhi khawpuia cham mek Mizoram State Planning Board, Vice Chairman H.Rammawia chuan September 13 khan, India External Affairs Minister Joint Secretary Smita Pant nen an inhmuh tuma, raltlante chungchanga Mizoram sorkar ngaihdan a sawi chu Mizoram, The Aizawl Post-ah tarlan a ni.

Myanmar-ah Sipaiin sorkarna an lak avangin buaina a chhuak nasa hle a. Chin State leh Kalaymyo township-a mipui tam tak chu, India north-east-a awm, Mizoram State-ah hian an tlanchhe nual a ni.

Mizoram State-a Myanmar raltlante, thawn haw tur chungchangah India leh Myanmar Military Council te thuruk, August thla khan a leak out a. He an thuruk lehkha leak out-ah hian, raltlante thawn haw tur chungchangah thuneitu ten kawng lakah leh him taka an thlen theih nana hma la turin, Myanmar lamin a tul anga hma an lak tur thu te a chuang a.

Hetiang boruak a nih avangin raltlante thawn haw chungchangah, Mizoram sorkar hian a din ngaiah a din reng dawn thu, India sorkar laipuiah tlang takin a sawi a ni.

Share.

Leave A Reply

Exit mobile version