Myanmar film Director Ko Pauk (Ko Pauh)-a duan chhuah ram buai film “Ka in ve tak loh ruah tui kha (The road not taken)” tih film chu October 29-ah Mizoram, Aizawl khawpuiah chhuah a nih dawn thu hriat a ni.
He film chhuah tur chungchangah hian Mizorama Myanmar mi tlawmngai pawl leh raltlan buaipuitu pawl hrang hrang ten an huaihawt dawn a, October 29, chawhnu dar 1:00-ah Aizawl khawpui Dawrpui Veng, Multipurpose hmunah chhuah a nih dawn thu a huaihawttu zinga thuneitu pakhat chuan a sawi.
Mi pakhat en man Rs.300 a ni ang a, tun chawlhkar atangin ticket zawrh tan a nih dawn thu hriat a ni a. He film hi Military Council-te dodaltu Artist, Director Ko Pauk-an CDM-a lut ta Military Council sipai Officer pakhat ramhnuaia a chet dan True History, iPhone-a a lakna film a ni a.
“Ka in tak loh ruah tui kha (Ma Tauh Mih Taw, Mu Kha Yi)” film hi England, London khawpuiah leh Australia, Sydney khawpuiah chhuah tawh niin entu an thathnem hle thu hriat a ni.
Chung khawpui bakah Japan, Tokyo khawpuiah te, US, New York khawpuiah leh San Francisco khawpuiah, North Korea, Incheon khawpuiah leh Switzerland ramah te pawh chhuah chhunzawm zel a nih dawn thu hriat a ni.
