‘Keini NUG sorkar hian Military Council sorkar hi palai hna (diplomacy) hmangin kan bei tawh a, Politics hi Politics a nihna anga kan kal thu in hre vek tawh bawk ang. Khawvel ram insuihkhawm pawl lian UN hian ASEAN an ngaichang a, mahse ASEAN hian kum hei leh chen hi Myanmar tan thu tha a paw chhuak lem lo.
ASEAN palai te ngenna anga kan ngaihtuahin tun thleng hian keini PDF te leh ram leilung fate ralthuam lamah kan lian tual tual a. Military Council te chaurau ek an thai lai hian inkahhai an ngenna a vang hian Military Council te thlawpnaah ni thei awm a nih rualin zawh tur a tam khawp mai.
ASEAN palai ngenna anga thla 4 chhunga inkahhai turin leh mipui kuta sorkarna hlan tura tih pawh kha zawhna siam tur a tam hle ang.
Myanmar tan chuan ASEAN hi kan thlir reng thin a, mahse beisei bo a ni, UN chungah pawh Myanmar rama Democracy thlen theihna tur pawh hi kan ring ngam tawh lo a ni.
Ram hrang hrang insuih khawm ni lo, khawvel ram hrang hrang zinga pawl lian te hnenah kan tlu lut mek a. UN leh ASEAN te chu an kal dan pangngai angin kan nawr tho anga, indona hmachhawnin kan kal zel dawn a ni.
UN leh ASEAN tih dan kan en hian eng chen nge kan nghah dawn a, engtik hunah nge hma an lak dawn tih kan hriat si loh avangin tuna NUG hian PDF pawl a din a. Tawnhriat nei tawh mipui ralthuam keng te leh thalai rual te ralrel dan Training chhuak te pawh 50% an tling tawh a ni.
NUG sorkar hi mipui aiawha din sorkar a nih angin Democracy tun din a nih theih nan NUG sorkarah hian kan rilru zawng zawng innghatin mawhphurhna kan nei lian hle a ni.
Leh lamah Military Council te hian mipuite chungah ralthuam nen rawva takin an la che zel si a. Palai tirh pawha eng thu mah an bengkhawn loh avang hian ralthuam veka thungrulh a ngaih dawn avang hian D-Day a rawn piang ta a ni.
Tunah chuan Military Council te chhang let tur hian ralthuam leh thiamna bakah kawng tam takah kan todelh ve tawh a. He Revolution-ah hian kan chak tawh a, tih dan thlak danglam mai chauh a tul tawh a ni.