Zawhna: CNA-a i luh dan leh i inbuatsaih dean mkin hrilh leh a?
Chhanna: A ni khawp mai. Ka nu leh pa te hi ram dangah an awm a, hetia Myanmar ram boruak a that loh zual avangin ka nu leh paten ram danga awm turin min ko va; mahse, ram tan theihtawp chuah ve turin ka kal ta lo a ni. A hlimchhawnah chuan ralthuam kenga pen chhuah ka rilruk ngai lo; mahse, Military council sipaite chet velna leh an nunrawn dan ka hmuh leh an hotu pa Min Aung Hlaing hi kan thin a tihrim em avangin ralthuam kengin kan pen chhuak ve ta a ni.
Kan awmna khua chauh pawh ni lo, khaw hrang hrang ka hlirin keini aia naupang lehkha thiam, zir chhunzawm thei lo te pawh an awm nual a. Chumi karah chuan Military council sipaiten kan chhung te leh kan mi leh sa te an man a, an thah thin avangin ka rilru a na hle a. Pawi sawi lo nu-nau te an suasam bakah chenna in te an hal chhiat avangin rilru a na a, chuvangin CNA-ah lut turin rilru ka insiam fel ta a, ka lut ta a ni.
Kan training ta a, harsatna neuh neuh kan tawng ve a, a hlimchhawnah ka khua a sik a, chuap lam natnain min tlakbuak bawk. A chang chuan ka rilru a hnual lek lek thin, training zawh velah Military council sipaiho ka kap ve tawh ang chu ka ti rilru deuh a. Mahse, Camp-ah min awmtir leha, a tul tul kan thawk kual a, zaidam a tul ngawt mai. Eng emaw titiin inbeihna ka hmachhawn ve ta a, ka hriselna tih lovah chuan harsatna ka nei hran lo a ni ber mai.
