Zawhna: Military council sipaite inbeih dan leh i ke pakhat i hloh chhan te min hrilh leh la?
Chhanna: Kumin May thla chhunga Timit phaia inbeihnaah khan ka tel ve a, kan haw lam Chong Cung khuaah kan inkap zui leh a, Military council sipaite an thianten an rawnpui a, hemi tum hian Pathian zarah ka tluang a. A ni 3 hnuah Chong Cung khuaah Military council sipaite an riak a, chu hmun atanga hla vak lovah mi 3, duty turin min tir chhuak a. Pathianin min awmpui a ni tiin zan thla engah ka kal zel a, kan thian 7-ten hnung lam atangin min veng reng bawk a. Thla eng lam pehhelin a thim chin hmun ka rah chuan bomb kam, ka rap puak palh a, ka ke pakhat a bung der mai, meter 100 vela hlaa theitawpa ka ham ngar ngar hnuah ka chawl zawk a, ka ke vei lam hi a awm ta der lo, ka let der mai a.
A hnuah India, Mizorama raltlan tlawmngai pawlten min enkawl a, revolution ka telnaa ka chhiat tawhnaah kan inchhir lova. Ka ke pakhat ka hloh avangin kan inchhir lo, ka nunna pawh hlan huama hmachhawn ka ni a, Pathian zahngaihna avangin ka ke pakhat chauh ka la hloh a ni. Kan thian te zawng zawng pawh tha thlah lovin kan hneh hma loh bei chhunzawm zel turin ka sawm duh a ni.
Ka dream loh zawk revolution-ah mi pawimawh tak ka ni ve ta reng mai a. Ram tan ke pakhat hloh mah ila, kelem vuahin Thantlang khuaah ka kal leh ang a, beih chhunzawm ka la tum a ni.
