Chin State, Falam township, Rihkhawdar khuaa Military council camp atanga sipai 2-te tlan chhuak chu CNDF pawlah inpein June 6 khan hmun him zawkah an dah thu hriat a ni a.
Military council sipai 2 tlan chhuak te hi Saw Naung Tun (Sipai No.128326) leh Aung Myo Kyaw (Sipai No. 12842) te an ni a, Military council kut hnuaia awm duh tawh lovin an camp atangin June 4 khan an tlan chhuah thu CNO information pawlten June 10 khan an thuchhuahah an tar lang a ni.
Heng sipai tlan chhuak mi 2-te hi CNDF check gate-ah June 6 khan man an ni a, an enkawl nghal thu hriat a ni bawk.
Military council camp atanga tlan chhuak sipai 2-te hnen atang hian MA-1 silai pakhat. Silai mu bawm 4, silai mu 330 leh MG-1 vawm bomb pakhat an chhawm tel thu hriat a ni a.
Indo-Myanmar ramri Rihkhawdar khuaah Military council sipaiten camp 2-ah buk an la khuar mek a, CNDF te nen inkap zeuh zeuh mah se, tun hnai atang khan inkah buaina a awm loh thu hriat a ni bawk.
