Rohingya Muslim-te zalen taka an awm theih nan Pope a tawngtai

0

Palestine inbiakna chungchangah te leh Myanmar buaina chungchangah te a tawngtaisak a.

“Rohingya mi ten zalenna taka an awm theihna tur leh Myanmar-in remna leh muanna an neih theih nan a tawngtaisak a ni”

Kum 86 zeta upa Pope hian March chawhnu vel khan a hritlan nasat deuh avangin Damdawi in panpui a ni a, Zirtawpni khan hun a hmang thei lo a, Easter Sunday-ah kum khatah vawi khat thu a sawi thin angin khawvel hriatah hetiang hian thu a sawi a ni.

Heng ram 3 buainaah hian remna leh muanna an neih theihna tur leh chhiat an tawhna zawng zawngah malsawmna vur turin Pathian hnenah a dilsak a ni.

Pope Francis-an kum tina Easter Sunday-a khawvel hriatah thu a sawinaah Middle East lama buainaah te, Jerusalem chhehvela Israel leh Palestine te chungchangah te,  remna leh muanna a thlen theih nan Pathian hnenah a thlen a. February chawhnu lama Turkey leh Syria-a lirnghing avangin mi 6000 vel nunna an chan a, harsatna tawk te tan thlamuanna an neih theihna tur leh malsawmna an dilsak bawk a ni.

A thu sawinaah hian Myanmar-a Rohingya mi ten zalen taka an awm ve theih nan a dilsak bawk a. Kum 2017 khan Pope Francis hian Myanmar a tlawh tawh a, Myanmar Military council ten thuneihna an lak hnu hian Myanmar mipuite tan a tawngtaisak fo thin a ni.

Share.

Leave A Reply

Exit mobile version