Bangladesh rama Rohingya raltlante an awmna hmuna an kir leh theih nan Bangladesh sorkar chuan OIC Islamic council te a ngen a ni.
Algeria ramah Zirtawpnia an buatsaih, ram hrang hranga PUIC Islamic council MP te rorelna hmunpuiah Bangladesh atanga palai tel ve, MP affairs Minister leh Justice, Parliament standing committee Md Shahiduzzaman Sarker chuan he thu a sawi a. He PUIC vawi 48-naah hian Bangladesh atangin MP 3 an tel theih thu hriat a ni.
Kan hnung pawh khan Rohingya raltlante tan an awm lailawkna tur leh ei in bakah an mamawh hrang hrang te tanpui nan tiin kum 2023 atan Bangladesh sorkar chuan UNHCR a dilna angin pek a tum thu Bangladesh palai Johannes van der Klaauw chuan a sawi a. An sum dil zat hi US Dollar maktaduai 876 a ni a, heng zinga mtd.67 hi Bhasah Char thliarkara ralltan camp tan an ruahman thu a sawi bawk.
Rohingya tih hming duh lotu Myanmar Military council te hian Rohingya te an rawn kir leh dawn chuan endik an ni ang tiin a lo sawi tawh a. Nimahse, kum 2021 kum tir khan Military council ten thuneihna an la thut a, Myanmar ram chhungah buaina a chhuah avangin thla rei lo teah Rohingya mi te Boat Lawng hmangin tuipui an pal tlang a, Malaysia lamah an lut nual a ni.
