Kum 2022 chhungin Myanmar atanga Bangladesh-a pan tuipuia boral Rohinja mi 348 an tling tawh a. Kum 2014 atanga list chhinchhiah zingah an thih tam ber kum a nih thu HRW human right pawl ten an sawi.
Hmanni lawkah pawh Rohinja raltlan mi 700 vel tuipui atanga an chhuah tawh thu UN Agency UNHCR ten an sawi a. Nikum khan tuipui pal tlang Rohinja mi 3040 an awm tawh a. Heng mi te hi Myanmar, Malaysia, Indonesia leh Bangladesh mi raltlan te an ni hlawm a, heng zinga Zaa 45 te hi hmeichhia leh naupang te an ni.
Heng tuipuia engine board-a chuang te hi Myanmar leh Bangladesh mi te an tam ber a, chhungkaw harsatna avangin an pem chhuak deuh ber a, hmeichhia leh naupang thenkhat sex lama sumdawn nana tawk te pawh an awm nual thu News-ah an tarlang.
Hetiang boruak ang hi Myanmar-ah kum 2007 pawh khan Rakhine State-a Rohinja Muslim a sang tel Military council ten Bangladesh-a an hnawhchhuah tum pawh khan an tawn tawh thu an tarlang bawk.
Hemi chungchangah hian UN ten Myanmar Military council hian mihring suattuah ngaiin a dem hle a. Bangladesh tuipui leh tuifinriat inkara buaina a nih thu te, eng vangin nge Myanmar atanga Rohinja mi te an tlan chhuah tih thu chhui mekin an thih tam thu UN Agency UNDCR thupuangtu Shabia Mantoo chuan a sawi.
Heng karah hian Bangladesh raltlan camp-a Rohinja mi te chungah police ten an tihduhdah mek thu HRW human right pawl ten an sawi.
Cossack bazaar-a raltlan camp-a Bangladesh police Battalion ten raltlante chungah kut an lek thu leh an man nual thu hriat a ni a. Kum 2020 atang khan APB an tih, police ralthuam keng ten he camp hi mawhphurhna an la a ni.
Heng Battalion te hian raltlan mangangte chawmdawl tur an nih laiin raltlante sum leh pai, an neih thil te an chhuhsak nual thin thu HRW News chuan a tarlang.
