Tun lai Myanmar-a thil thleng mek hi ti ril tikhur thei khawp thil niin Russia chuan a ngai a, boruak an thlingthla reng niin an sawrkara thuneitu pakhatin a sawi.
Civil thihna pung chho zel hi a hlauhthawnawm an ti hle niin Russia Presidential Security office spokesman Dmitry Peskov chuan Moscow-a journalist te hnenah a sawi.
“Myanmar dinhmun hi thil hlauhthawnawm niin kan hria a, kan chik chiang mek a ni. Civil mi thihna a tam tawlh tawlh mai kan hriat hian kan hlauhthawng a ni” a ti.
Myanmar-a thil thleng hi Russia tan thil hlauhthawnawm pakhat a ni a, thil thleng mek hi ngun takin kan thlir a ni, a ti a. Myanmar ram nena millitary lam thawhhona hi tihtawp a tha ang em tih kan inngaihtuah mek a ti bawk.
Myanmar-ah sipaiin thuneihna an lak hnu tun hun thleng hian kawng zawh thi 70 chuang an awm tawh a, mi 2000 vel man an ni tawh bawk.
Credit: People Media.
