Sagaing Region, Kani township leh Pale township-a Khua thenkhatah Military Council-te leh PDF-te an inkap nasa hle. Military Council ten Helicopter-in an beih thu tualchhung mi ten an sawi. Yangon atanga News an thawn dan chuan…
Sagaing Region, Kani township, AleKyuan (Ale Chun အလယ်ကျွန်း) khuaa Military Council-te Camp awmna chu May 10 tuk khan PDF ten luhchilhin an inkap a. Military Council ten Helicopter atanga an kah thu PDF hruaitu pakhat chuan a sawi.
“Zing atangin kan inkap tan a, Kani township, Alekyuang-a Military Council Camp kan bei kha a ni a, An awmna khaw zatve kan luhchilh hnuin Thlawhnain min bei a, a nasa khawp mai, an kir leh thuai a.”
Alekyuan-a awm Military Council Camp chu Kani khua atangin ralthuam lianin kan kap a, tun thleng hian Military Council-te Alekyuan-ah an la awm a. He inkahna avangin a thenawm khuaa mi te an tlanchhiat nual thu hriat a ni.
Chutiang vekin Pale township-a khaw thenkhatah PDF te leh Military Council-te an inkap a. Kani khawpui Alekyuan khuaa a kah hnu Thlawhna kir leh chuan Pale khawpuia inkahnaah an beih chhunzawm thu tualchhung mi pakhat chuan a sawi.
“ He inkahna hi Phyusawhti te leh PDF te a ni a.Helicopter atangin min rawn kap a.Ziphyukone (Zi Phiau Kung ဇီးဖြူကုန်း), Mintaing မင်းတိုင်, Tayet သရက်, Chaung Oo (Chhawng U ချောင်းဦး) khaw sir velah an kap a. Milaungpin, Nawyo မီးလောင်ပြင် နှောရိုး khaw sirah tum 2 an kap a. Tlai lam dar 1:00 hnuah tum 1, a hnu dar chanve hnuah tum 1 min Bomb”
He inkahna hian Military Council ten eng thuchhuah mah an la siam lova. Kani township leh Pale township hi a khat tawkin an kap nasa thei hle.
He inkahna avang hian tualchhung mi te ram huaiah an tlanchhe nual a. Ram hnuaia awm raltlante rulin a chuk hlum nual thu tualchhung mi pakhat chuan a sawi.
Pale township-ah hian khaw 10 aia tlem lo hal kan a ni tawh a. Chenna in 1000 chuang hal kan tawh a, mi a Sing tel, in leh lo, bung leh bel, silh leh fen nei lo kan awm nual a. Military Council ten thla 2 kal ta atang khan Internet an off vek a. Ei leh in lamah harsatna an tawh thu tualchhung mi pakhat chuan a sawi.
