Sagaing Region, Myanmar chuanchung, Motor kawngpui thenkhatah PDF ten ni 9 chhunga an thunun check Gate, an hawn thu hriat a ni.
Loh theih lohva bungraw phur an awm a, palh an tawh chuan mawhphurhna an lak loh thu Nort-west Division-a PDF ten mipui te an hriattir.
Chaung Oo (Chhawng U) Monywa (Mung Zua) kawng atangin Tantse-Lansung-Yi Oo (Zi U), Yagyi (Ya Chi)-Kalay, Myanmar chuanchung kawng te chu April 29 atang khan PDF ten an khar.
Private Car leh bungraw phur Motor-ah hian Military Council te an inzep thin avangin PDF ten kawng laka beih an harsat avangin hetianga kawng khar a ni.
Kawng laka ni 9 chhung PDF ten an thunun theih avang leh mipuite tanrualna azarah an hlawhtlin thu PDF hrraitu pakhat chuan a sawi.
Hetia an tihna chhan hi Military Council-te dan chahna a ni a, Loh leh lohva mipui kal an awm chuan phal a ni thova, Military Council-te nen an intawh palh chuan PDF ten mawhphurhna an lak loh thu an thuchhuahah an tar lang..
Kani (Ka Ni) PDF hruaitu pakhat chuan “Yagyi (Ya Chi) leh Kalay Motor kawng hi kan thunun vek e kan tihna a ni lo. Military Council-te kaihbu Kawttu (Dalan) leh hektute man tum vanga check a ni. Engvang nge tih chuan tutih hriat lohte an lut chhuah nual avangin buaina a chhuak thei a, chuvangin Gate siamin kan check a ni. Mipui kal phal loh avanga dang kan ni lo, kan khap bawk lo” tiin a sawi.
April 28-a Press Conference-ah khan Major General, Zaw Min Tun khan Sagaing Region hi kan bei na dawn a, lei lam atang pawhin hma lak tum a ni a tih avangin PDF te hian Military Council-te kalna kawng turah kan inbuatsaih ve a ni.
May thla tir khan Military Council ten PDF Camp an kap a, North-west Division-a PDF ten fur chhung hian ralthuam an inchhek khawl mek a. Hma lak dan tur pawh chawplehchilha hriattir a harsat thu hriat a ni.
Magwe (Ma Gui) Region, Maing township-a PDF hruaitu pakhat Daung Min chuan “ May thla atang khan min bei tan a, an la ti zel dawn a ang. Keini pawh kan inpuahchah nasa hle. Bomb leh ralthuamah kan innghat ber a, khaihlak chan a awm thin a, inkah hnuah pawh duh angin kan post ngam lo” tiin a sawi.
Sagaing Region-ah Military Council-te leh PDF-te dan chah avangin bungrua leh ei in a khaihlak nasa hle. Tualchhung mi ten ei zawnna, chenna in leh lo leh chhungkaw chawpin chhiatna a thlen thin avang leh inkahna a awm reng thin avangin thil man rate a sang hle.
Sagaing Region-ah PDF te che lo mah se, Military Council ten an tum an thulh chuang loh avangin mupuite manin an that a, chenna in an halchhe nual a.
West-Northen Division-a inkahnaah Military Council ten an thil tih thuchhuah siam reng lo mah se, PDF te an che uchuak tiin social media lamah an tar lang thung.
