Sagaing Region, Khin Oo (Khin U) township-a khaw 20 chuang Military Council ten an hal thu Khin Oo (ခင်ဦး) township-a mi pakhat chuan a sawi.
Khin Oo-a tualchhung mi pakhat chuan “Military Council ten Khin Oo township-a inbiakna hmanrua an tichhiat vek bakah chenna in an hal nual a. Khaw 28 chuang an hal tawh. Internet leh Phone signal an tichhe vek a, an hal chhiat hi hei ai hian a tam mai thei” tiin a sawi.
Sagaing Region, Khin Oo (Khin U township-a in 300 nufa awmna Min Ciah (Min Chiah) khuaah hian May 8, tlai 5:00 vel khan Military Council, 60 rual ten Motor 3-in an luhchilh a, ralthuam lian leh te an chelek nasa hle tiin tualchhung mi pakhat chuan a sawi.
Tualchhung mi pakhat chuan “ Khawchhung mi an tlanchhe nual a, tlan ve thei lo ten, in an nghak” tiin a sawi.
Tlanchhe ve thei lo te hi upa lam an nih thu hriat a ni. Pawi sawi li Min Ciah khua an hal hnu hian Yi Oo, township atanga kir leh Military Council Motor 3 te chu Innpatkuit (In Pat Kuih, khaw bulah KSO pawl ten an Bomb kam an tipuak a, Sipai Motor pakhat a fuh a, thi an awm thu Khin Oo township-a KSO pawla Bolinyaung (Bo Lin Yawng) chuan a sawi.
May 6, pawh khan Military Council-te leh Phyusawhti pawl ten Tesuu (Te Suh, တဲစု) khuaa chenna in an hal.
Khin Oo township-a Military Council ten an khaw hal te chu; Tawtapinkaung (Taw Ta Pin Kaun, တောတပင်ကောင်း) khuaah chenna in 50, Tanbo, khuaah chenna in 200, Pauhtone (Pauh Daong, ပေါက်တုံ) khua leh Kyikan (Chi Kan, ကျီးကန်) khuaah chenna in 1 ve ve, Yuatayua (Zua Ta Zua) khuaah chenna in 65, Yuatitkone (Zua Tit Kung, ရွာသစ်ကုန်း) khuaah chenna in 30, Bankone (Gan Kung, ဒါန်းကုန်း)khuaah chenna in 43, Hmantaw (မှန်တောkhuaah chenna in 38, Kyuanle (Chun Le, ကျွန်းလည်) khuaah chenna in 7, Tetpi (သက်ပေး)khuaah chenna in 13, Tamoh (Ta Moh, တမုတ်) khuaah chenna in 93, Kalalu (Ka La Lu, ကုလားလူး) khuaah chenna in 34, Sialun (ရှားလွင်)khuaah chenna in 47, Ngatingyi (Nga Tin Chi, ငါးတင်းကြီး) khuaah chenna in 250, Minwunseih (မင်းဝံစိုက်ကွင်း) khuaah chenna in 5, Madaunggyi (Ma Dong Chi, မဒေါင်းကြီး) khuaah chenna in 3, Ongpinkone (Ung Pin Kung, အုန်းပင်ကုန်း) khuaah chenna in 3, Innpat (အင်းပက်) khuaah chenna in 305, Guikone (Gui Kung, ဂွေးကုန်း) khuaah chenna in 1 leh Minciah (Min Chiah, မြင်းကျ)_khua leh Tesuu (Te Suh, တဲစု) khuaah hriat chian a nih loh thu tualchhung mi pakhat chuan a sawi.
May 8 thleng han Khin Oo (ခင်ဦး) township-a tualchhung mi ten an chhinchhiah dan chuan chenna in 1500 vel halchhiat a ni tawh a, chhungkaw 2000 chuang in leh lo an tlansan thu tualchhung mi pakhat chuan a sawi.
