Sagaing region, MinMu township, GonNginSeih khua chu July 7 khan Military council sipaiten an luhchilh hnuah chenna in 200 vel an hal chhiat thu tualchhung mi te hnen atanga hriat a ni a.
“Khawchhung an rawn luhchilh a, man erawh an nei lo, an luh hlimin In 180 chuang an hal hman a ni”
Military coucil sipaiten GonNginSeih khua an hal hnu hian July 9, zing dar 6 khan KinMa luhchilh lehin In an hal nawn leh thu tualchhung miten an sawi a.
Khawchhunga chenna in an hal chungchangah Sagaing region, Military council thupuangtu U Saw Naing, RFA Media-in phone hmanga a zawhnaah chhanna a awm rih lo a ni.
UN OCHA-ten kumin 2023 June 13 thlenga an chhinchhiah dan chuan Military coucil sipaiten thuneihna an lak hnu hian Sagaing region-ah tualchhung mipui 765200 chuang in leh lo an tlansan tawh tiin a tar lang a ni.
