Sagaing region, Sagaing township, Ta Taing khuaah tualchhung mi 15, Military council sipai ten inven nana an man te, an kah hlum vek tawh hnuah an ruang an hlawm thu tualchhung mipuite hnen atanga hriat a ni.
Military council sipai ten March 1, zan atangin Ta Taing khuaah an luhchilh a, March 2 zinga an haw dawnah tualchhung mi 15 te inven nan an man a, kawng lakah kap hlumin kawng sirah an ruang an paih thu hriat a ni.
“Ta Taing khuaa kirsan tur Military council sipai ten tualchhung mi 15 te Chema vauin an hruai hnuah Min Mu township Ngyang Yan khaw thlen hma, Theihai huanah mi 5 an sawisa hlum a. An sawisak hlum te hi Ta Taing khuaa kum 35 mi Ko Tun Tun, kum 47 mi Ko Soe Ngaing, kum 34 mi Ko Kyaw Soe (Ko Chaw Su), kum 45 mi Ko Nga Lin, kum 34 mi Ko Kyaw Kyaw, te an ni a. Mi dang pawh an that vek a, ruang 8 hmuh belh a ni a, ruang 6 vui liam an ni a, ruang dang zawn mek an ni” tiin tualchhung mi pakhat chuan a sawi.
Ta Taing khua hi In 78 nufa awmna khua a ni a, Ayeyarwady (Ai Raw Di) tuipui leh Mu tuipui infinna, Sagaing region, Sagaing township-a awm a ni.
