Sagaing region, Sagaing township, Kintaw khaw bula PDF camp, Military council sipaiten June 25 tuka an beihnaah revolution sipai 12 te an kah hlum thu tualchhung mi te hnen atanga hriat a ni a.
June 25, zing dar 4:50 vel khan Sagaing township, Kintaw khaw luh tanna khaw 7-ah Military council sipaiten ralthuam lianin an luhchilh a, Kintaw khaw bula PDF camp pakhat an phulchil bakah revolution pawl zinga an man te an thah nual thu hriat a ni bawk.
“Inkah buaina a awm hran lova, zing atangin ralthuam lian nen camp an luhchilh a, an vaiin an man a, an lu zawnah tinin an kap hlum vek a, ralthuam pawh an keng nual a, camp tin zawnin an bei tawp a ni” tiin tualchhung mi pakhat chuan a sawi a ni.
Yangon Khit Thit Media-ten Military council sipaiten an luhchilh PDF camp leh PDF pawl te hi an chhui mek a, revolution beituten PDF camp an luhchilh thu an sawi a, tu te pawl nge, an nihna te an hriat loh chu an sawi a.
“A chhehvela khaw pakhat LDF te pawhin tu te pawl nge an nih kan hre mai lova, kan hriat hunah kan puang leh mai ang” tiin Revolution pawl news pakhat chuan a tar lang a ni.
