Magway region, Gangaw District, Saw township, LoneShe hmun atanga Cindwe khaw lama Military council sipaite feh chhuak chu bomb kam hmangin leh Rocket hmanga an beihnaah Military council sipai 80 aia tlem lo an thih thu NUG Defence Ministry-ten an thuchhuahah an tar lang a.
July 16 khan LoneShe hmun atangin Chin State Cindwe khaw lama Military council sipai feh chhuak te chu bomb kam hmanga an beihnaah Military council sipai 50 aia tlem lo an thih bakah hliam an awm nual a, Military council sipaiten Jet Fighter 2-in an bomb thu hriat a ni bawk a.
Hetiang vek hian July 18 tuk pawh khan Military council sipaiten YeKin khaw bul, Yun Chuang khaw lama operation an neihnaah PDF tangrualten Rocket hmanga an beih nawnnaah Military council sipai 30 aia tlem lo an thih bakah an hliam nual thu hriat a ni bawk a.
Hetia tum 2 an beihnaah Military council sipai 80 aia tlem lo an thih bakah an hliam nual a, PDF tangrual pawl sipai 2 leh NUG PDF sipai 3-ten ram tan an nunna an hlan thu NUG Defence Ministry-ten an thuchhuahah an tar lang bawk a ni.
