Magwe region, Seikphyu township-ah February 13 atang khan Military council sipai ten operation an neih avangin khaw 9-a tualchhung mi sing khat (10000) vel in leh lo an tlansan thu Seikphyu tualchhung mi pakhat chuan a sawi.
Military council sipai 300 rual ten operation pawl 2-in an luhchilh thu tualchhung mi pakhat chuan RFA Media a hrilh.
“February 13 atang khan Pakukku khawpui lam atangin Seikphyu khaw lamah operation an nei thut a. Mipui ten khawchhung an lo dan avangin an hel a, tunah chuan an operation-na hla fe, Monastry leh school-ah an awm khawm a, ei leh in an harsa hle a, operation an luh lohna atangin an tanpui mek a ni”
February 14 khan Be Kyah khuaah Military council sipai ten ralthuam lian an kah chhuah avangin kum 60 mi U Aye Win leh kum 50 mi U Aung Mynit Sein an hliam thu an sawi a. Zua Mah Tong khuaah ralthuam lian bomb avangin chenna in 3 a chhe bawk a ni.
Raltlante dinhmun chungchangah Magwe region Military council thupuangtu region immgration minister U Soe Paing Mynit, RFA Media ten an zawhnaah chhanna a la awm rih lo.
February 2-a UNO CHA ten an chhinchhiah dan chuan Myanmar ram chhungah in leh lo tlansan raltlan mi maktaduai 1.2 chuang an awm tawh niin an sawi.
