India ram, Mizoram State chhungah September chawlhkar tawp chhung khan Myanmar atanga raltlan mi 1800 an luh belh leh a, tunah hian raltlan mi 50000 chuang an tlin tawh thu UNHCR, UN raltlan tanpuitu pawl High Commisioner Office atanga, an thuchhuah hnuhnung berah an tarlang. Myanmar buaina avangin an luh zeuh zeuh thu raltlan tanpuitu zinga mi pakhat chuan a sawi.
India rama Myanmar raltlante chungchang Ko Aung Aung-a chuan heti hian a sawi.
UN raltlan tanpuitu pawl High Commisioner Office (UNHCR) chuan October 3-a an thuchhuahah chuan Myanmar atanga India rama raltlante hi mi 48000 an chuan tawh thu a tarlang.
Chawlhkar khat chhunga raltlan mi 1800 an luh belh thu India rama awm mek Khonumthung Media, Editor Ko Robert-a chuan heti hian a sawi.
“Mizorama a huhova an rawn luh hi a la rei lo. Myanmar atangin ni tin an rawn lut zel a. Mizoram chhim lam Siaha District paltlanga lut te, Lawngtlai ramri atanga lut te, Champhai paltlanga lut te an ni a. Ni tin lut chhuak an awm reng bawk” tiin a sawi.
Ramri atangin Myanmar mi ten sumdawnna leh nunphung harsatna avangin an luh chhuah thu a sawi zui bawk.
Mizoram Siaha District, Chapi khua, raltlan Camp-a thuneitu U Phei Li Kar chuan heti hian a sawi.
“ Siaha District-ah hian khaw dang atanga ralthuam harsatna avangin Khaw pakhat atangin an rawn luh thu kan hria a. Kan rin dan chuan mi 400-500 vel an ni mai thei” tiin a sawi.
Chapi raltlan Camp-ah hian mi 900 vel an awm a. Human Right (CHRO) pawla Salai Terah chuan September thla chhung khan Paletwa khawpui atangin raltlan an thlen nual thu heti hian a sawi.
“Paletwa township-ah AA te Military Council sipaite an inkap thin a. A khawpui hmawra tualchhung mi 500 vel an rawn thleng a, a thlengsa te nen mi 50000 (Singnga) vel an ni ang. An awmna tur thenkhat kan lo ruahmansak a, Mizoramah mi 40000 (Singli) chuang, Singnga (50000) vel an ni ang. Delhi khawpuia mite nen chuan mi 50000 (Singnga) chuang kan ni ang” tiin a sawi.
Mizoram raltlante hian a hlimchhawn kha chuan ei leh in lamah harsatna tawk em em lo mah se. Kumin atang hian ei leh in leh damdawi bakah mutbu lamah harsatna an tawh thu a sawi zui bawk.
Myanmar ram chhung buai zualna avangin Mizoramah raltlan an tam belh zel, an rin thu UN raltlan buaipuitu UNHCR chuan an sawi.
