Sagiang region, ShweBo township, KoPin Battalion atanga feh chhuak Military council sipai 70 chuang te chu June 12 tuk khan TanBo khaw chhuah lamah bomb kam hmanga an beihnaah Military council sipai 3 an thih thu tualchhung mipuiten Yangon Khit Thit Media an hrilh a.
Military council sipaiten khaw 4-ah ralthuam lian nena an beih avangin tualchhung mi 3000 chuang an inthliarfihlim thu hriat a ni bawk.
“Ralthuam lian an kah chhuah avangin mipui thi leh hliam an awm lova. TanBo khuaah chuan bomb a thla” tiin tualchhung miten an sawi a.
Heng Military council sipaite hian June 10 khan Khin U township-ah ralthuam lian kap chhuakin chenna in an hal chhe nual a. He operation te hian June 12 chawhnu khan Phyusawhti khua MaGyiTong khua an pan laiin bomb kam hmanga an beihnaah thi Military council sipai 3-te chu khaw pawnah an hal thu hriat a ni bawk.
