Sagaing region, ShweBo township-ah Military council sipaite an beihnaah Military council sipai 13 aia tlem lo an thih thu MDF shwe Bo, information-a thuneitu pakhat chu Yangon Khit Thit Mrdia a hrilh a.
May 31 khan SweBo township BE zu siamnaa Military council sipai 60 rual, buk khuarten zing dar 5:15 khan khawchhung an luh chilhnaah MDF Shwe Bo circuit PDF te leh tangrual pawlten an beih rawn thu hriat a ni a.
He inbeihna minute 10 lekah hian Military council sipai 10 aia tlem lo an thi a, PDF tangrual pawlten silai mu 250 an hmang ral a, Military council sipaiten tualchhunga chenna in an hal chhiat nual thu hriat a ni a.
Hetiang vek hian May 31 khan Shwe Bo khua, Pathein Buddhist biak ina buk khuar Military council sipaite nen an inbeih thu hriat a ni bawk.
He inbeihnaah hian Military council sipai 3 an thi a, PDF lam thi leh hliam an awm loh bakah MDF Shwebo, TaihDaDih circuit PDF, TaNawYohKhah PDF te leh tualchhung PDF-ten an beih rawn thu MDF Shwe Bo, information-a thuneitu chuan a sawi a ni.
