Tun lai Myanmar chanchin chu inman thawm a tam ta hle mai.
“Sipai leh police-te leh an chhungte chhiat tawhah kan tanpui tawh lo ang” tia thuchhuah siam tlawmngai pawl (chhiat tawkte tanpuitu pawl) 14 te chu Penal code section 505 (a)-na hmangin case siamsak an ni a, a meizang hlaptu mi 2 nizan khan man an ni tiin The Irrawady news chuan a sawi. Section 505 (a) hi kum 3 lung in tan theihna a ni.
Nizan March 9 zan khan sipai leh police rualten Si-ta-na-shin, Mar-gah, Ga-yuh-na, Parami, Mittar Shin, Ar Yung Oo, heng pawl 6 hruaitute hi an luhkhung a, an dap a. Margah leh Parami pawla hruaitu 2 an man, a ti bawk.
Hetia an man chhan ber chu social punishment an duh loh vang leh CDM-a telte an tanpui vang niin t;awmngai pawl zinga member pakhat chuana sawi a. Tlawmngai pawl 14-in march 4 khan sipai leh police-te leh an chhungte, CDM-a tel lo sawrkar hnathawkte leh an chhungkuate chu chhiat an tawhin kan tanpui tawh lo ang, tiin thuchhuah an siam al Chu mi hnu ni rei vak lovah ti hian action an la ta a ni.
Heng tlawmngai pawlte hian, sipai leh police-in kawng zawhte an kah avanga mi 50 lai an thih avang leh ambulance khaltute thlenga an beih avangin heng thil titute hi ma-u-pin tlawmngai pawlte chuan March 3 atang chuan an tanpui tawh dawn lo tih thuchhuah an siam a, he mi hnu hian CDM zawmtu pawh an tam belh sauh nia sawi a ni. Hei vang hian an la luhchilh ve loh tlawmngai pawl dang hruaitute pawh an inthiar fihlim nia hriat a ni.
Credit: The Irrawady Burmese news.
