Lieutenant Colonel Taw Zin Thun kaihhruai LIB 215 pawlin khua tichhia a, inte an rawk avanga ralthuam nena KNLA hnena a inpek thu sipai tyun Thu Ko an a sawi.
Military council sipai battalion 11 hnuaia LIB 215-a awm sipai Tyun Thu Ko chu Karen National Union (KNU), brigade 6, battalion 27, White Tiger regime office-ah a silai nen May ni 4-a a inpek thu tualchhung source Klo FM-in a tarlang a ni.
Lieutenant Colonel Taw Zin Thun kaihhruai operation chu thla 6 liam ta atang khan Kawkarate township chhunga Anphagyi khua, Kamai khong khua, Yawthit khuaah tel lutin mipui chenna in tihchhiat leh an bungrua rawk leh ruksakin an khawsak thu mipui lama inpe sipai Tyun Thu Ko chuan, “ Anphagyi-ah chuan a pawl te nen kalin kan va suasam a, in chhunga thil awmte kan dap vek a. Thenkhatin rangkachakte an hmu a, phone la tawk pawh an awm a, kei chuan ei tur ka la thung a. Commander-in engtin mah min khap lo,” tiin a sawi.
Chubakah, chutia operation an neih laiin, sipai zingah ruihtheih thil tite pawh an awm thu leh mipui lama a inpek chhan tak chu military council chhunga inrahbehna a tawrh theih tawh loh avang leh tanpuina sum mumal tak an dawn theih loh avang a nih thu a sawi bawk a.
Sippai Tyun Thu Ko chu White Tiger battalion office-a Boe Saw Nyein Chan hnenah MA3 silai 1, magazine 2 khat tlat hlanin, a inpe a. Chutianga inpete chu NUG sorkarah thlena lawmman pek a nih tur thu White Triger battalion Boe Saw Nyein Chan chuan Klo FM hnenah a sawi a ni.
