Rahine state, Maungdaw township chhung, Letpan tlang dunga AA camp-a tan ina khung man tawk firfiak sipai chu military council jet figter-in a rawn kahna lamah an awmna tang in pahnih fuhin sipai thi leh hliam an awm nual thu AA lamin September ni 28-ah thuchhuah a siam a.
September ni 23, zan dar 11 velah military council Jet fighter 3 chu thlawk kualin darkar chanve vel thu bomb a thlak a, chu chuan border guard force thenkhat leh military council sipai man tawk leh inpe te a fuh nual a, damdawia enkawlsak ni mah se, damdawi mamawh ang a awm loh avangin, thenkhat an thih thu thuchhuahah tarlan a ni.
Arakan Army (AA) lam chuan chung hliam tuar sipaite nun khaw chhuahna turin beisei a tlem hle a, an nun chhuah leh theih nan military council lamin a rang lam la turin hriattirna chhuah mah se, ni 5 hnuah pawh an rawn biak pawh loh avangin, sipai 1 a thih belh leh tawh thu pawh tarlan a ni a.
Tun dinhmunah chuan chung BGF leh sipaite dam chhuah nan AA lamin theih tawpin a enkawl a, a rang lama inbiakna nei turin an nawr reng bawk a. Military council hnuaia awm sipaite chu sipai hnuaiah thawh chhunzawm chakna an neih tawh loh avangin AA hnenah an inpe a, thenkhat chu man tawkte an ni hlawm bawk a, chung military council sipai zawng zawng chu 150 chuang an nih tawh thu thuchhuahah ziah lan a ni.
