South Okkalapa Administration Office Bomb-tua Rinhleh Sipaiten Tihlum

0

Yangon region, South Okkalapa township-ah August ni 22 khan administration office chu bomb-a vawm a ni a, chu mi chungchanga rinhlelh tualchhung tlawmngai pawla inhmang, kum 19 mi, Maung San Win Aung chu military council sipaiten indawpna hmunah August ni 25 khan hruaiin an that a, a ruang lak duh chuan nuai 10 pek a ngai tiin a chhungte an hriattir thu hriat a ni.

A chhungte zinga mi pakhat chuan, “Maung San Win Aung hi tlawmngai pawla mi inhmang leh mite tanpui thin a ni a, inhnamhnawihna nei lo thalai pakhat chu manin indawpnaah an that ringawt a. Ani hi South Okkalapa township veng no. 10 Ashok-a kawng no. 21-a awm a ni a. Tunah a ruang (dead body) chu nuai 10-in min tlantir tih hriat a ni,” tiin a sawi.

August ni 22 khan Maung San Win Aung hi man a ni a, a tuk August ni 23-ah a nu hmuh phalsak a nih danah sipaiten thah an lo tum tawh reng em ni tih chu rinhlelh theih a ni a. A hnu hmuh an phalsak lai pawhin a thu chah duh zawng zawng hrilh nghal vek turin an lo ti bawk a ni.

Tualchhung mi pakhat chuan, “August ni 23-ah a kut leh ke-ah chain-a phuarin a nu chu a va chibai a. Chutih lai pawh chuan an vuak nasat avangin, a kal tha thei tawh lo, sipaiten i nu kha i thu chah duh zawng zawng hrilh vek ang che a ni ti a, chutiang chuan a tawp nan a nu an hmuhtir a ni ber mai. Ani chu tihhlum an tum sa reng tawh a ni,” tiin a sawi.

Share.

Leave A Reply

Exit mobile version