Sagaing region, Swebo township-ah Military council sipai 200 rual ten February 11 atang khan khawchhung then fai an thawhnaah chenna in 80 vel an hal kang a, tualchhung mi sing hnih (20000) vel in leh lo an tlanchhiatsan thu tualchhung mi ten an sawi.
February 11, zing dar 10 vel khan Swebo township Ngyaung Kan (Ngiaung Kan) khuaah Military council sipai ten an luhchilh a, In 80 vel an hal kan thu tualchhung mi pakhat chuan RFA Media a hrilh.
“Kan rin dan chuan In 80 vel an hal chhia a, February 12 tuk khan Kya (Chia) khuaah an lut leh a, an khaw tlak lam Ngyaung Pin Ta (Ngiaung Pin Ta) khua mi te pawh an tlanchhe nual mai”
Military council sipaite operation an luhna Ngyaung Kan khua hi in 300 vel an awm a, tualchhung mi 1000 chuang an tlanchhiat thu tualchhung mi ten an sawi a. February 12, tukah Ngyaung Kan khaw hnaih in 1700 vel awmna Kya (Chia) khuaah Military council sipai ten an luhchilh leh a, tualhhung mipui 5000 vel an tlanchhiat thu an sawi.
Heng bakah hian Kya khua tlak lam Ngyaung Pin Ta khuaa tualchhung mi 4000 vel, an hlauh avangin an insaseng thu tualchhung mi ten an sawi bawk.
He buaina chungchangah hian Sagiang region, Military council thupuangtu U Ate Hlaing RFA Media-in phone-a a zawhnaah chhanna a awm rih lo a ni.
UN mi mangang chhawmdawltu pawl UN OCHA ten February 2 thlenga an chhinchhiah dan chuan Military council ten thuneihna an lak hnu hian Sagaing region-ah raltlan mi nuai 6 (600000) an tling tawh a ni an ti.
