Tabayin(Di Pe Yin) khawpui Nyuanghla (Ngiaung Hlah) khua tum 3 an beihnaah an khawpum hal chhiat a ni

0

Sagaing region, Tabayin township chhuah lam zara awm Nyaunghla khuaah January 24,25 khan Military council sipai ten tum 3 an luhchilh tawhnaah a khawpum deuh thaw chenna in an hal chhiat thu tualchhung mi ten an sawi.

Nikum 2022 November khan a tum 1-naah In 48, December 3-ah In 50 chuang leh kumin Janaury 24,25 khan a tum 3-naah an khawpum deuh thaw an hal a ni.

Nyaunghla khuaah hian In 1000 vel leh mihring 3000 chuang an awm a, tunah hian ramhnuaiah an insawn chhuah vek thu Nyaunghla khuaa hming thup mi pakhat chuan a sawi.

“Ni 23 zing dar 10:00 atangin an lut a, chawhnu atangin In an hal tan a, zankhuain an kang a. Ni 24-ah an chhhuahsan hnuin khawchhung then fai kan thawk a, thing bung pawh hmuh tur a awm lo, meihawlah a chang vek”  tiin a sawi zui.

Ye U township atanga chhuak mek Military council sipai 80 rual te, Nyaunghla khua an lut dawn tih an hriat lawk avangin tualchhung mi te an tlanchhe lawk a ni.

Khawchhung an luh hian sakhaw in te, buhdengkhawl te, hriak her khawl leh leilet hmarua te an hal chhiat nual thu tualchhung mi ten an sawi.

Military council sipai ten an hal chhiat chungchangah Sagaing region thupuangtu social affairs Minister U Aye Hlaing, RFA Media-in an phone-naah chhanna a awm rih lo.

Military council ten thuneihna an lak hnu hian Tabayin township-ah In 5000 chuang, Dawr 25 leh Monastry 5, Military council sipai ten an hal chhiat tawh thu Tabayin township-a raltlan tanpuitu ten an sawi.

ISP-Myanmar ten Janaury 24-a an thuchhuahah chuan Sagaing region-ah Military council ten thuneihna an lak, kum 2 dawnah hian In 43216 an halchhe tawh a ni.

UN OCHA ten an chhinchhiah dan  ve thung chuan Military council ten thuneihna an lak atanga kum 2022 December thla ral thleng khan ram chhung buaina avangin Sagaing region-ah tualchhung mi Nuai 6 leh a chanve chuang in leh lo an tlansan tawh thu an tarlang ve bawk.

Share.

Leave A Reply

Exit mobile version