July 11 atang khan, Sagaing Region, Tamu District-ah Military Council, Revolution beite changtlung zawka chanchin inhriat tawn a nih theih nan tiin Central Intelligence Agency-Tamu pawl din a nih thu an thuchhuahah an tar lang.
He pawl lianina a tum bera chu Military Council te chet velna chi hrang hrang te, inkah chungchanga thil thlen dan kimchang zawk te, khawchhunga rawva taka Military Council te chet velna te chhui chianna leh mipui tana chanchin inhriattir zung zung a nih theih nana din a ni ber a.
Central Intelligence Agency –Tamu pawla Director Shaung Gyi Bui chuan “ A bik takin Military Council te chet velna hi a kimchang thei ang ber leh inkahna chungchangah pawh thil thlen dan chi hrang hrang chiang zawk a, hriat theih nan a pawimawh ber a. Heng bakah hian Military Council tena firfiak taka an chet rawvana leh Military Council thlawptu reng reng te then fai hna hmalak tur a ni bawk a. Chanchin dik lo karah chiang zawka mipuite hriattir hi a tum a. Revolution beitu ten chanchin inhriattir zung zung a nih theih nan leh dik lo taka titute action lak a nih bakah chanchin hrang hrang mipui hnena in-share tawn turin hmalak tum a ni” tiin DVB a hrilh.
Central Intelligence Agency –Tamu din atangin hmalak tan nghal a ni a, zau zawka thawhho zel a nih theih nan, ram chhunga Revolution pawl hrang hrang te leh hmun tina Central Intelligence Agency (CIA) dinho va, kan inthlun zawm pawh a tul a ni, a ti bawk.
