Saging region, Tamu khua leh Kalay khaw inkar motor kawngpui chu June ni 22 atanga khaw kar kawngte zawh lo turin Tamu PDF pawlin mipui an hriattir a.
Chutianga hriattirna an chhuah chhan chu tun lai hian military council sipaite leh Tamu PDF te inkar boruak a tang hle a, eng lai pawha inkahna chhuak thei dinhmunah an awm reng a, bungrua phura kal khaw inkar kawngah mipuite chu veivak lo turin Tamu PDF chuan a hriattir lawk a ni.
Tamu PDF battalon no. 2-a hruaitu pakhat chuan, “Tamu-Kalay kawngpuiah inkahna hmun hnihah a chhuak a. Mipui zin veivakte kan thuchhuah hi zawm hram ang che u. Kan Tamu hmunah inkahna a sosan chho zel avangin, chu mi nena inhnaih khuaa awmte chu hmun him zawka insawn turin kan hrilh duh bawk che u a ni,” tiin a sawi.
Chutih rualin Tamu-Kalay kawngpui chu a khat tawka endik leh kal veivakte check thin an nih dawn avangin, tha taka lo dawngsawng turin an ngen nghal bawk a. Mahse, chin hriat loh inkahna chhuak thut a awm a nih a, a hnu lam buainaah mawhphurhna an lak loh tur thu Tamu PDF ten an sawi tel bawk a ni.
