Sagaing region, Tamu township, Khampat khaw chhehvela inkahna avangin ramhnuaiah an tlanchhe nual a, an awmna leh ei in lamah harsatna an tawh thu raltlan tanpuitu zinga thuneitute hnen atanga hriat a ni a.
July 22 atang khan Military council sipaite leh tualchhung PDF te, inkah buaina avangin Khampat leh Tamu kawng an khar a, raltlanten kawng hrang hranga harsatna an tawh thu Kuki hmeichhe insuihkhawm pawl zinga Pi Bawih Nu chuan a sawi a ni.
Raltlante ramhuaia an tlanchhiatna hi ni 10 lai a chuang tawh a, ei in tur leh damdawi bakah Thlam chung khuhna Silpaulin te tanpui theuh turin mipui te a sawm thu a sawi bawk a ni.
He inkahna avang hian tualchhung mi 3000 chuang te chu a chhehvel ramhnuai, India ramri-ah leh Kalaymyo, Hmuntha, Changelzawl, Letpanchaung leh Tahan velah an raltlan nual thu hriat a ni a.
Heng bakah hian India, Manipur State, Chandel District, New Lajang khaw chhehvela Myanmar raltlan mi 700 chuang India, Assam Rifle-ten an um chhuak a, Myanmar Tamu khaw chhehvelah an awm nual thu News thenkhatah tar lan bawk a ni.
July 22-a tlanchhe ve thei lo, kum upa te leh damlo thenkhat te chu khawchhungah an la awm nual thu hriat a ni bawk.
