Kumin 2023 Military council ten inthlanpui an buatsaihna tura dodal nan tiin Sagaing region, Tamu khuaa election commission office, January 19 zing khan an hal thu Tanu township PDF leader Bo Kyan Si ( Bu Chian Si) chuan RFA Media a hrilh.
Office an hal hian lehkha pawimawh an kang chhe nual a; a hnuah an kirsan a, Military council sipai ten an tawngpawng kah chiam a, thi leh hliam an awm loh thu an sawi.
Sorkarna chelh mek Military council ten inthlanpui an buatsaihna tura in hnamhnawih reng reng na taka an hrem dawn thu Bo Kyan Si chuan a sawi zui bawk.
“Dan lova inthlanpui an buatsaih tur hi kan duh lo. A theihna angin kan do dawn a, inthlanna hmun tura an tih pawh hmang lo turin kan hriattir tawh” tiin a sawi zui.
Tamu khawpui chhehvelah inthlanpui tur hming list la rih lo mah se, an inbuatsaih tan thu an sawi bawk.
Tamu township-a inthlanna hmun tur an hal chungchangah a kan ral man zat hriat chian duhin Sagaing region, Military council thupuangtu Immigration Ministry U Aye Hlaing an phone-naah chhanna eng mah a awm rih lo.
Tamu township, election commission office haltute hi Tamu township PDF te leh Myanmar ram pum huap zirlai Democracy pawl ABSDF Battalion 5 te an nih thu an sawi.
Military council ten kumin 2023 hian ram chhung inthlanpui an buatsaihna turah hming list an la mek a, Revolution beitu ten an dan mek thu hriat a ni bawk.
