Sagaing region, Tamu khawpui, NanKaLa SawBua 4 Ward-ah ruihtheihthil zuar leh ruihhlo ngai te PDF-ten an man nual thu PDF (Tamu) Battalion 4, te hnen atanga hriat a ni a.
A hre chiangtuten an report angin May 26 khan ruihtheihthil zuar te chenin an hup a, ruihhlo ngai te, hmeichhe pakhat telin mi 6 an man thu an sawi a.
“An zawrhna hmunah kan va hup a, ruihtheithil leh a kaihhnawih bakah pawisa leh phone 4 kan chhuhsak a, an intiamna angin hrem an ni” tiin PDF Tamu Battalion 4-a an leader Bo Khant chuan Mizzima Media a hrilh a ni.
Ruihtheihthil damdawi mum leh heroin an man te hi tunlai rate chuan Kyats 350000 man hu vel a nih thu hriat a ni bawk.
Heng an man mi 6 te hi Tamu PDF Office-ah khung mek niin an chanchin chhui mek a ni a. Tamu khawpui leh a chhehvelah hian rukru an pung sawt hle a, Bike leh thil dang bo a tam sawt hle thu Bo Khant chuan a sawi zui a ni.
Heng mi sual leh ruk hmang te hi Military council sipaiten pawisa-in an tham thin a, thil an ruktir a, In leh dawr te an rawk thin thu a sawi bawk a ni.
PDF te chuan mipuite zah lova, ruihtheihthil leh ruihhlo ngai te, ruk hmang reng reng te hi chhui mekin a tul anga hma an lak nasat dawn thu an sawi bawk a ni.
