Sagiang region, Yamu township, Military council sipai NaNga Min TaMi camp an beihnaah Military council sipai 7 an thi a, hliam an awm nual thu hriat a ni a, PDF sipai pakhat an boral thu Tamu PDF Battalion 4-a thuneitu pakhat chuan Yangon Khir Thit Media a hrilh a.
June 24 zing dar 5:15 vel atanga dar11:30 thleng khan Military council sipai 35 te buk khuarna NaNga Min Ta Mi camp chu PDF Battalion 4-ten Tamu township atangin luhchilhin an kap a, Military council sipai 7 an thih bakah an hliam nual a, PDF sipai pakhat ram tan a nunna a hlan thu hriat a ni a.
“NaNga Min Tami camp hi Tamu khawpui north west-a awm a ni a, bei tura kan veh laiin khawpui chhunga rawn pui tur te an rawn kal laiin kan inbei nghal a, keini PDF sipai pakhat a boral a. Camp kan laksak hmain an puitute nen kan inbei a, PDF sipai 2 an hliam a, Military council sipai 7 an thi” tiin Tamu Battalion 4-a thuneitu pakhat chuan a sawi a ni.
He inbeihnaa camp an lak dawn tepah hian Military council sipai puitu Meitei UG, SNA ShanNi, Phyusawhti leh Military council sipai tam tak rawn pui tur te chu an kir leh thu Tamu PDF Battalion 4 pawlten an thuchhuahah an tar lang a ni.
Heng bakah hian Sagaing region, Shwebo khua, Mya Taung Ward, Mya Taung 8 kawng, King KTV atanga haw lam police motor chu bomb kam hmanga an beihnaah police pakhat a thih thu Buffalo Soldier pawla Bo YarZar chuan a sawi a ni.
June 25 khan King KTV atanga haw, police 6 chuanna Crown Car pakhat chu chawhnu dar 4 chawhnu dar 4:47 vel khan Mya Taung kawng 8, pengah bomb kam 3 an tipuahnaah police pakhat a thih thu hriat a ni.
Bomb kam a puah hnu hian PDF sipaite an kir leh hnuah police 3 ten an rin thu kah chiam a, PDF sipaite thi leh hliam awm lovin an kir leh a. He inbeihnaah hian Buffalo Soldiers Freedom Force (SBDF-2) pawl, Black Wolf Army pawl te leh tangrual pawlten an beih rawn thu Buffalo Soldier pawla Bo YarZar chuan a sawi bawk a ni.
