Kayin State, TanTaung township, TanTaung khua, thlanmual kiangah Military council sipaite bomb kam hmanga an beihnaah Military council sipai officer pakhat telin Military council sipai 13 an thih thu PDF-Thandaung Battalion-a thuneitu pakhat chuan Yangon Khit Thit Media a hrilh a.
May 29 tlai dar 5:20 vel khan Military council sipaite haw lam, Tandaung khua thlanmual kiang an thlenin bomb kam hmanga an beihnaah Military council sipai bawk 3 pakhat telin Military council sipai 13 an thi a, mi 3 an hliam thu hriat a ni a. Heng avang hian Military council sipaiten ralthuam lian leh te an kah chiam thu hriat a ni a.
He inbeihnaah hian PDF-Thandaung Battalion-ten an beih thu hriat a ni a, PDF lamah thi leh hliam awm lovin an kirsan leh thu hriat a ni bawk.
Heng bakah hian Sagaing region, Khin U township-a Military council sipaite ration phur Motor an beihnaah Military council sipai 4 an thih thu Khin U Special Force Organization-KSO pawlten an sawi a.
May 30, zan dar 9:15 vel khan, Khin U khua InPatKuit Bazar-pui-a innghat Military council sipai 10 rual te chu InPatKuit chhim lam Ar vulhna bul atanga Touch-light ena an kal laiiin KSO Battalion-ten bomb kam vawi 4 hmanga an tihpuahnaah Military council sipai 4 an thih thu hriat a ni a.
May 31 tuk khan Ye U khuaa Military council sipai 80 te chu Khin U township tlak lam InPatKuit Bazar-puia buk khuar, Military council sipaite leh Phyusawhti te nen tangkawpten Ye U leh Khin U Motor kawng MuTaing Chaung Leidawh-a Buhfai phur Bawngtawlailir 29 chuang leh ration phur Motor 8 te kal lai chu, Revolution pawlten Drone leh bomb 8 hmangin an bomb-naah Military council sipaite thi leh hliam an awm nual thu hriat a ni a, thi zat hriat chian a ni rih lo.
He inbeihnaah hian Khin U Special force Organization_KSO, Fire Dragon (Khin U), Khin U Local Guerilla Force (KUGF), D.U.G.F (khin U), Wolf Guerrilla Force (YE U), Burmese Revolutin Youths te leh tangrual pawlten an beih rawn thu hriat a ni bawk.
