Chin State, Tawnzang township-a cheng kum 2 leh chanve mi hmeichhe naupang pakhat leh a U hmeichhia kum 13 mi te chu June 13 khan darkar rei lo teah an boral ve ve thu hriat a ni a.
Tawnzang township Vaivet (Cizam) khuaa kum 2 leh chanve mi hmeichhe naupang Lia Lun Deih San chu June 13, zing dar 1 vel khan a pang a sat thut vangin zing dar 3:30 khan a boral thu hriat a ni a.
Hemi hnu lawk hian a u hmeichhia kum 13 mi Lia Cing Huai Kim pawh chu a pang sat thut avangin hemi tuk zing dar 10 khan a boral zui ve nghal a ni.
Pu Gin Lal Thang leh Pi Lal Tui Sawm Cing te fanu pahnihte hi Tawnzang damdawi inah panpui nghal ni mah se, an nunna an chhan hman loh thu an chhung te hnen atanga hriat a ni a. An unau boral chhan hi eng natna nge tih hriat a ni lo va, sik leh sa inthlak vanga pang sa thuta boral niin an sawi a, June 14 khan an vui liam thu hriat a ni.
