TaYetChuang khawpui KaNetTiRih khuaah Military council sipaiten an luh chilh a, naupang telin tualchhung mip 40 chuang an man

0

Taninthari (Ta Nin Ta Ri) region, TaYetChaung township, KaNetTiRih khuaah Military council sipaiten an luh chilh a, naupang telin tualchhung mi 40 chuang an man thu tualchhung mipuiten Yangon Khit Thit Media an hrilh a.

June 8, zing dar 11 vel khan WinWa khaw huam chhunga police station atanga TaungKyaw kawng lam pan mek Military council sipaite chu PDF-ten KaMyaing khua leh YaNge khaw karah an lo lambun a. He inbeihnaah hian Military council Captain nia rin pakhat telin Military council sipai 8 aia tlem lo an thih thu hriat a ni a, Military council sipaiten a chhehvel KaNetTiRih khua an luh chilh thu hriat a ni bawk.

KaNetTiRih khua Military council sipaiten an luh chilh hian kum upa leh naupang telin tualchhung mi 40 chuang te chu an man a. Military council sipaiten KaNetTiRih khaw kiang tuipui bula Lawngleng innghat te pawh June 9 zan khan vawi 5 an bomb a, June 10, tuk pawh khan Military council sipaiten he khuaa chenna in an hal chhiat nual thu hriat a ni a.

Military council sipaiten khawchhung an luh chilh hian chenna in an rawk nual a, tualchhung mipuite an tlanchhiat nual bakah bungraw man to tak tak an laksak nual thu hriat a ni bawk a. Tun thleng hian Military council sipaiten KaNetTiRih khaw chung, tlangah innghat mekin Buddhist hmunah tualchhung mipui an man te an la khung mek a. June 11 tuk thleng pawh khan an la chhuah rih loh thu hriat a ni bawk.

Heng bakah hian Military council sipaiten June 11 tuk thleng khan chenna in an la hal mek a, khawchhung luh chhuahna kawng pawh an khar vek thu hriat a ni bawk.

Share.

Leave A Reply

Exit mobile version