Ram pawnah Media hlutna a san laiin tunlai boruak a chiankuan loh thu Thai-a Myanmar Media mi ten an sawi. Thai-ah hian Myanmar Journalist a tlem berah mi 180 an awm lailawk thu Thai News Council President Chavarong Limpattamapanee chuan a sawi.
Kum 2021 March, Military Council ten sorkarna an lak hnu khan Myanmar Journalist te Thai lamah an tlanchhe nual a. A thente chu Europe lamah raltlan angin an awm a, a tam zawk te chu Thai-ah an tlan hlawm a, harsa chung chungin Media hna an la thawk mek a.
A pawimawh bera chu Thai-a awm te hian Permit neia phalna pek hi a ni ber a. Ram dangah hun rei tak awm theihna Permit neih hi a pawimawh khawp mai tiin Journalist U Aung naing Soe (Awng Naing Su) chuan VOA a hrilh.
Thai-a raltlan te leh awm lailawk te huan ram danga awm phalna Permit nei lo te an nih hlawm avangin Police ten Journalist te, man theih dinhmunah an awm reng a ni.
An thu theh luh karah dinhmun derthawngin an awm reng a, an sum dawn lah chu a tlem thei hle a ni tiin Thai, Foregin Journalist, President Panu Wongcha-um chuan a sawi.
Military Council ten sorkarna an lak hnua nekchepna avangin Journalsit thahnem tawk tak Thai-ah an tlanchhe nual a/
Khawvela Journalst mana Jail tantir tamna ber chu China hi a ni a, a dawtah Myanmar (Mia Ma) a nih thu ramri awm lo Journalist pawl (RSF) ten 2022, Free Media, an thuchhuahah an tar lang.
Military Council ten sorkarna an lak hnu hian Journakist 143 an man tawh a, mi 53 Jail tantir tawh niin mi 3 an boral tawh bawk.
